NLM BARNEHAGENE AS

Bedehusbarnehagen:

* Maurtua - Revegruppa/Førskulegruppa og Haregruppa

* Bikuba - Klatremusgruppa og Skogmusgruppa

Brakkebyen:

* Ekorna

* Nøtteliten

fredag 15. desember 2017

Julebord på Bedehusbarnehagen


I dag har vi hatt det ekstra koseleg på Bedehusbarnehagen.
............
"Barnehagen skal leggje til rette for at alle barn kan oppleve rørsleglede, matglede og matkultur, mentalt og sosialt velvære og fysisk og psykisk helse. Barna skal inkluderast i aktivitetar der dei får bevege seg, leike og samhandle med andre og oppleve motivasjon og meistring ut frå eigne føresetnader." 
- Rammeplanen 2017-


Maurtua og Bikuba har samarbeidt om eit flott Julebord.
Vi har gått rundt Juletreet og hatt Juledico.


                           

For ein herleg Julebuffet. 
Her var mange gode restar frå Julefesten! 

                           
I tillegg hadde vi gode kanapeer 
og herlige små fruktskåler!

SMÅ OG STORE PÅ BEDEHUSBARNEHAGEN YNSKJER ALLE 
GOD JUL OG GODT NYTTÅR!

torsdag 14. desember 2017

Jakop og Neikop



I prosjektet med Skogmusene har vi blitt kjent med boka Jakob og Neikob. Jakob sier alltid JA og Neikob sier alltid NEI. Boka er bygd opp av motsetningar og geometriske former.
Høgtlesing gir ein unik sjanse til å skape interesse og gode samtalar rundt  matematisk utforsking .


Vi har teke for oss dei ulike geometriske formene: kvadrat, sirkel og trekant. Her har vi sett på kva som er likt og ulikt ved dei ulike formene og kva som skal til for å kalle dei namnet sitt. 





Vi avslutta med ein koseleg matematikkverkstad der vi brukte alle formene til å sette saman tekst og bilde til eit julekort. Her kunne barna velge mellom Josef, Maria og Jesusbarnet eller Nissen med ynskjeliste bakpå om dei ville det. 


Det var et veldig kjekt prosjekt for store og små!

(tekst og bilete ved student Marte Bjørge) 

mandag 11. desember 2017

Vi kosar oss i snøen ved Brakkebyen



Då vart det endeleg ein etterlengta snødag i barnehagen 
for både store og små på Ekorna og Nøtteliten. 
Vi kosa oss, basa i snøen, rente på akebrett 
og måka i lange baner! 

Hurra for vinter og snø!! 

fredag 8. desember 2017

Besøk av ein vismann


Studenten vår på Haregruppa er i full gang med prosjektarbeidet, med fokus på Juleevangeliet og dei tre vise menn. Vi fekk besøk av ein vismann, og vi fikk kjenne på gull, lukte på røykjelse og sjå myrra.


Studenten har også vist dukketeater av historia om dei tre vise menn, 
og tilført nytt leikemateriell.




Måndag skal vi ha juleverkstad der barna får lage sine eigne figurar saman med studenten.

mandag 4. desember 2017

Ekorna på undretur i nærmiljøet


Ei lita gruppe fra Ekorna fekk seg ein fin undretur i dag.
Vi gjekk ned til sjøen nedom barnehagen. Der møtte vi på 7 ender. Så spennande. Og så rare lyder dei laga!


Vi gjekk videre langs sjøen, forbi nokre hus med traktorer og campingvogner utanfor. Vi såg også mange fine julelys og julestjerner i vindauga.
Det draup fra ei takrenne heilt nede ved bakken. Det måtte kjennast på. Kaldt og vått, men så artig å få kjenne korleis det føles når det drypp på handa.

Oppe på ein veranda såg vi ein stor snømann. Vi vinka til den og sang "snømannen Kalle".

Etterpå var det godt å kome seg inn, varme seg litt og ete mat.
Takk for ein kjekk tur! 😊 

fredag 1. desember 2017

Advent på Maurtua


Endeleg var det 1.desember.
Adventstida er ei spennande og koseleg tid på barnehagen.
Juleposane er måla og oppi dei legg vi fine gåver som vi lagar.
Vi gler oss til den dagen vi får ta dei med heim! 


Vi får vere med å pynte Juletreet.


Og kvar dag får vi trekke kven som skal opne dagens "luke" 
på den fine Adventskalendaren vår.

søndag 26. november 2017

Utforsking av vinteren sine første teikn



Klatremusene var på tur til lavvoen for første gang denne hausten, og det blir nok ikkje lenge til neste gang – der var det så kjekt! Turen opp var litt glatt, men heldigvis var det strødd sand slik at vi trygt kunne gå der.


Vi fekk sjå at vatnet i naturen hadde fryst til tappar.


Bakken var ikkje heilt fryst ved lavvoen så her kunne vi leike med pinner i sølepyttane. 


Det er kjekt å få vere ute i naturen.


Det er så mykje å utforske.


Sjå!!! Det er gras inn i isen jo!


Vinteren er vakker og spennande.


For ein super tur!