Solfest på Brakkebyen

Tysdag 30.januar hadde Nøtteliten og Ekorna felles solfest. 

Ekorna baka bolla med og utan vaniljekrem. 

Barna blei delt i grupper på tvers av avdelingane og hadde ulike formingsaktivitetar. 

Vi fordelte oss på romma på begge avdelingane og jobba i smågrupper. 

Etterpå leika vi saman på den avdelinga vi hadde hatt formingsaktivitet. Nokre på Nøtteliten og nokre på Ekorna. Kjekt å få leike i lag. Festen blei avslutta med felles song og måltid på Ekornavdelinga. Vi synst at det hjalp å synge om sola, for trur du ikkje vi såg henne litt seinare på dagen når vi var ute 😊

Vi hadde ein kjempekjekk dag i lag med god mat, song og mykje kreativitet.

Gjennom arbeid med kunst, kultur og kreativitet skal barnehagen bidra  til at barna bruker fantasi, kreativ tenking og skaparglede.

Det nærmar seg ....

No er ytterdørene kome på plass.

Her ser vi inngangen som vender mot naboen vår

Aalesund Protective Wear AS 

I tillegg til eit stort felleskjøkken får 

kvar av dei fem avdelingane seg eit lite kjøkken.

Litt arbeid står nok igjen. Her er vi i ❤-rommet vårt.

Det vert foldedører inn til tre av avdelingane.

I tillegg har vi dører direkte ut til uteområdet 

for å kunne ha uteservering. 

Det vert eit flott ventilasjonsanlegg på bygget vårt. 

Her er kraftige rør som skal gi oss god inneluft.

.........................

Spennande tider! 

Dette vi gler vi oss til! ☺

Besøk av Hege frå NLM ung

Veldig kjekt å få besøk av Hege frå NLM ung! Ho fortalde oss historia om Jesus som 12-åring i tempelet, lærte oss nye songar, minnte om på kor viktig det var å dele med kvarandre, ho kunne å trylle og vi tulla, tøysa og dansa! Revane og Harane kosa seg!

Takk for besøket og velkomen igjen!

SØK BARNEHAGEPLASS I VÅR NYE BARNEHAGE

Etter Påske 2018 flyttar vi inn i vår nye barnehage 

i Ulvestadvegen 4. Her får vi fem avdelingar + ymse fellesrom. 

Det er difor ledig kapasitet med oss. 

Vi kan ta inn fleire barn frå 1.april.

Dei som ynskjer det må søke plass innan 5.feb 2018.

Ta kontakt på tryggheim.vatne@nlmbhg.no            

om du har spørsmål, så tek vi kontakt med deg. 

SØK HER

NB: Minner også om at søknadsfristen for det ordinære opptaket for barnehageplass til hausten 2018 er 1.mars.

Knøttene (Nøtteliten) på tur til Gurineset

I dag gjekk turen ned til Gapahuken ved Gurineset. Vi trilla opp dit, men så var det tid for at Knøttene skulle få bruke kroppen sin. Eit av måla for denne perioden er at barna skal få oppleve naturen gjennom alle årstider. No er det kaldt, og snøen er frosen, slik at dei fekk erfaringar med å gå på glatt underlag. Her ved gapahuken var det nokre bare flekkar med gras, så nokre plassar var det lettare å gå. Dette er kjempegod trening for sansane, og vi får nytte nesten alle sansane våre på denne turen. Spesielt Balansesansen fekk prøvd seg mykje. 

Det var mange ulike spor å sjå i snøen, både frå dyr og menneske. Men for dei fleste var det utfordrande nok å halde seg på beina, på det varierande underlaget. Og då er det trygt og godt å ha ei hand å halde i, og nokon som kan hjelpe ein opp når ein ikkje greier å halde balansen. 😊 Ein kjekk gjeng å ha med på tur som held humøret oppe, til tross for nokre fall. Det er kjekt å sjå kor mykje dei har utvikla seg sidan barnehagestart i haust. Og vi gler oss til mange fleire turar framover. 

Rammeplanen seier at gjennom arbeid med kropp, rørsle, mat og helse skal barnehagen bidra til at barna  opplever trivsel, glede og meistring ved allsidige rørsleerfaringar, inne og ute, året rundt.

SOLFEST PÅ BEDEHUSBARNEHAGEN

Fredag 19.01 hadde Bedehusbarnehagen solfest for å markere at sola har kome tilbake til barnehagen. 

Vi baka solbollar på formiddagen som gav god lukt i heile barnehagen. Nam!

Sjølve feiringa hadde vi ute. Alle som ville fekk mala på ei sol i ansiktet sitt. Da strålte vi alle saman som ei sol.

I tillegg fekk barna mala sol på ark. 

Vi hang dei opp ute - flotte!

Inne stod buffeen klar. Solskinnsbollar så langt vi kunne sjå. Deilig fredag! 

Så gøy med nye leiker!

På Ekorna byrjar dei eldste å bli tre år. 

Då treng dei nye leiker og utfordringar.

Sjå kor kjekt dei har det 😊

HARANE PÅ TUR OPP TIL GAPAHUKEN

I dag gjekk turen til skulen sin gapahuk. Harane er vand med den lange vegen og finn alltid nye «snarvegar» å gå. I dag gjekk vi bratte bakkar oppover og måtte passe på og hjelpe kvarandre der det var glatt.

I dag måtte alle samarbeide for å få opp hengekøya som vi hadde med i sekken og samarbeid det er noko vi Harane kan!

"Barnehagen skal legge til rette for eit mangfald av naturopplevingar, og få oppleve naturen som arena for leik og læring." R-plan 2017

Etter den lange vegen opp var det fint å slappe av i køya medan vi venta på maten.

Det var kjekt å kome i gang med tur igjen!

Snømannfamilien - stor - mellomstor og liten

I dag måndag 8.januar skapte Revegruppa 

flotte kunstverk utanfor barnehagen. 

  

Oppgåva til førskuleborna var å lage 
ein stor, ein mellomstor og liten snømann. 

Det vart ein snømannfamilie på tre! 

Dei skulle blant anna erfare og samanlikne storleikar. 

Etterpå måla dei snømannfamilien i flotte fargar! 

Ein spennande dag i snøen!⛄⛄⛄

Måling og snø på Brakkebyen

Vinter, kaldt og frost i bakken.

Uteområdet vårt har frose - kva kjekt kan ein finne på da..?

I dag gjekk alle små og store på Brakkebyen ut på føremiddagen. 
Vi tok med måling i ulike fargar.

Først måtte vi hakke laus snø og fylle bøttene våre.

Deretter hadde vi måling i og blanda den med snøen.

Dette vart nesten som magi! 

Snøen vart farga i både raudt, blått, grønt og svart. 

 Borna var ivrig med i prosessen og det fengja.

Vi gløymde at det var litt kaldt på fingrane og tærne våre, og vi hadde ein kjekk føremiddag saman ute i kulden!

Eit frose uteområde som kanskje ikkje innbydde til leik og fantasi, fekk gjennom impuls frå vaksne nytt og spennande innhald.

Som Rammeplan seier skal barna i barnehagen få leike og utfalde skaparglede, undring og utforskartrong (KD, 2017, s. 19).

Dette fekk borna på Brakkebyen oppleve denne føremiddagen.